Dret fiscau, dau sòu, dau resident...l'eleccien còrsa pausa questien a la Constitucien francesa (photo MN)
Menada per Gèli Simeoni, la tiera Pè a Corsica a ganhat leis elecciens territorialas còrsas la dimenjada passada. Se la mitat deis elegeires an votat e pas mai, una franca majoritat li a donat lo poder, 56,5%. Mai qu poder ?
La tiera nacionalista vòu, dins son programa, la co-oficialitat de la lenga còrsa amé lo francès. Une brava escomessa amé l’article dos de la Constitucion que ditz, despuei 1992, que lo « francès es la lenga de la Republica », e deguna autra. D’un autre costat, es que sembla possible de tenir coma paraula seriosa aquela dau president Macron, alòr en campanha a Furiani, que l’i a ditz : « es pas enebit d’ensenhar de lengas que son de la cultura e de la vida de chascun » ?
Lei novèus bailes de Corsega vòlon tanben lo poder fiscau. De competencias pròprias e lo dret de levar l’impòst per lei finançar. De vèire coma l’Estat laissarà faire, aquí onte la Constitucien es mai neblosa.
Un estatut de resident que vòlon crear, es una autra linha dau programa de Pè a Corsica. Deuriá reservar ai insulàris la crompa de tèrras e d'ostaus. Faudriá adonc demorar en Corsega despuei cinc ans au mens per va poder faire. Una revolucien dins lo dret francès, bòrd que faudriá naisser sus l’Illa o li aver sa familha per poder l’i èstre proprietàri.
Totei aquelei questiens seràn segur espinchadas am’atencien per mai que d’un, tant podrián faire chanjar lo biais de legifera en França, onte – en principi – chasque recanton dau país pòu pas decidir diferentament de ce qu’a dich l’Estat.
La tiera nacionalista vòu, dins son programa, la co-oficialitat de la lenga còrsa amé lo francès. Une brava escomessa amé l’article dos de la Constitucion que ditz, despuei 1992, que lo « francès es la lenga de la Republica », e deguna autra. D’un autre costat, es que sembla possible de tenir coma paraula seriosa aquela dau president Macron, alòr en campanha a Furiani, que l’i a ditz : « es pas enebit d’ensenhar de lengas que son de la cultura e de la vida de chascun » ?
Lei novèus bailes de Corsega vòlon tanben lo poder fiscau. De competencias pròprias e lo dret de levar l’impòst per lei finançar. De vèire coma l’Estat laissarà faire, aquí onte la Constitucien es mai neblosa.
Un estatut de resident que vòlon crear, es una autra linha dau programa de Pè a Corsica. Deuriá reservar ai insulàris la crompa de tèrras e d'ostaus. Faudriá adonc demorar en Corsega despuei cinc ans au mens per va poder faire. Una revolucien dins lo dret francès, bòrd que faudriá naisser sus l’Illa o li aver sa familha per poder l’i èstre proprietàri.
Totei aquelei questiens seràn segur espinchadas am’atencien per mai que d’un, tant podrián faire chanjar lo biais de legifera en França, onte – en principi – chasque recanton dau país pòu pas decidir diferentament de ce qu’a dich l’Estat.