Lei pesticides, en particulier lei neonicotinoïdes, te fan perdre lo nòrd ais abelhas. Una que butinariá de caulet raba tractat amb’aqueu pesticide sistèmique, podriá plus retrobar lo camin de son brusc.
Era pas aisat de o mostrar, mai ambe lei nieras electroniccas es devengut possible de pegar sus l’esquina d’abelhas un mena de GPS per seguir leis estiradas d’aquelei bravei butinairas.
Es aquò qu’assajèt una còla de cercaires de l’Inra en Avinhon, ambe Mickaël Henry, e de l’Acta (associacien de tecnicians en agricultura), ambe Axel Decourtye.
Une niera a radiò identificacien de tres milligramas pegadas sus 650 abelhas, mostrèt après expausicien au detiamethoxam (un neonicotinoïde) d’una partida, qu’aquelei morissavon tres cop mai qu’aquelei qu’èron pas expausadas.
Lo pesticide lei tuèt pas, mai afectèt son sens de l’orientacien, que trobèt plus son brusc, e que moriguèron escagassadas.
Adonc, sembla ara bèn establit qu’una dosa pasmens pas mortala, pòu tuar leis abelhas coma aquò.
Es de saupre qu’aqueu pesticide siguèt criticat per leis apicultors que demandèron son retirament. Lo Cruiser, mai tanben, lo Poncho, lo Gaucho e lo Regent, totei insecticides sistèmiques fabricats per diferentei firmas, son pasmens autorisats per la França despuei 2009.
Era pas aisat de o mostrar, mai ambe lei nieras electroniccas es devengut possible de pegar sus l’esquina d’abelhas un mena de GPS per seguir leis estiradas d’aquelei bravei butinairas.
Es aquò qu’assajèt una còla de cercaires de l’Inra en Avinhon, ambe Mickaël Henry, e de l’Acta (associacien de tecnicians en agricultura), ambe Axel Decourtye.
Une niera a radiò identificacien de tres milligramas pegadas sus 650 abelhas, mostrèt après expausicien au detiamethoxam (un neonicotinoïde) d’una partida, qu’aquelei morissavon tres cop mai qu’aquelei qu’èron pas expausadas.
Lo pesticide lei tuèt pas, mai afectèt son sens de l’orientacien, que trobèt plus son brusc, e que moriguèron escagassadas.
Adonc, sembla ara bèn establit qu’una dosa pasmens pas mortala, pòu tuar leis abelhas coma aquò.
Es de saupre qu’aqueu pesticide siguèt criticat per leis apicultors que demandèron son retirament. Lo Cruiser, mai tanben, lo Poncho, lo Gaucho e lo Regent, totei insecticides sistèmiques fabricats per diferentei firmas, son pasmens autorisats per la França despuei 2009.