Report modal et effacement de gaz à effet de serre (photo Stef DR)
Una rega quotidiana entre Lille e Marselha per lei marchandisas que vènon en trin per lo Pòrt de Marselha-Fòs serà – enfin – dubèrta en decembre venènt pèr l’operator ferroviari T3M. Devriá transportar l’equivalent de 45 conteneires maritims chasque jorn entre lei doas ciutats, passant per Avinhon per l’i despachar de produchs.
Partent de la gara marselhesa dau Canet, arribarà a Lille sege oras après. « Lo trin baissarà leis emissiens de C02 de 85% (mens 83000 tonas l’an) e la consomacien energetica de 57% rapòrt a la rota » que ditz Joan-Claudi Brunier, lo president de T3M.
Aqueu auriá ben entamenat son projèct tre lo començament de 2016 mai li faliá dispausar de 850 m en linha per agençar sei cais au Pòrt de Marselha. E la SNCF a pas poscut li durbir un corredor ferroviari de tota l’annada per faire passar sei trins. Finalament serà possible per de trins que circularàn de nuech.
Lo Pòrt de Marselha cèrca de desvelopar lo repòrt modau dau transpòrt de sei marchandisas, qu’a aumentat de 29% despuei 2013, mitat-mitat entre ralh e Ròse. Mai 82% passan encara per la rota.
Partent de la gara marselhesa dau Canet, arribarà a Lille sege oras après. « Lo trin baissarà leis emissiens de C02 de 85% (mens 83000 tonas l’an) e la consomacien energetica de 57% rapòrt a la rota » que ditz Joan-Claudi Brunier, lo president de T3M.
Aqueu auriá ben entamenat son projèct tre lo començament de 2016 mai li faliá dispausar de 850 m en linha per agençar sei cais au Pòrt de Marselha. E la SNCF a pas poscut li durbir un corredor ferroviari de tota l’annada per faire passar sei trins. Finalament serà possible per de trins que circularàn de nuech.
Lo Pòrt de Marselha cèrca de desvelopar lo repòrt modau dau transpòrt de sei marchandisas, qu’a aumentat de 29% despuei 2013, mitat-mitat entre ralh e Ròse. Mai 82% passan encara per la rota.