Photo Risset DR
D’aigas que raian per floquejar dins una lòna, de pas sus lei fulhas trempadas, puei l’onda marina que vèn morir sus la riba de mar, e lo fracàs de la chavana que fai plaça a la musica que s’auça dins l’èr coma una nèbla va fariá…Tot aquò tirat d’un ordinator, es Aqua, una dei composiciens lei mai coneissudas de Joan-Glaudi Risset, creada en 2001.
Lo compositor marsilhés es mòrt lo 21 de novembre, a Marselha, vièlh de 78 ans. Naissut au Puèi (Velai), es lo paire vertadier de la composicien am’ordinator.
Amé Mutations, tre 1968, aqueu cercaire fisician de l’Universitat de Luminy, aviá fach nàisser un univèrs sonòre qu’a degut inspirar mai que d’un cineaste de sciença-ficcien.
Amé sa Suite pour ordinateur, illustrant la pèça de Pèire Hallet (1968) fa entendre que la musica venguda d’un ordinator pòu ben dire l’univèrs musicau sensible d’un òme.
Dei Calancas au son ibrid
Es ais Estats-Units, onte es emplegat per lo laboratòri dei Telefònes Bell au començament deis annadas 1960, que compausa per lo premier còup am’un ordinator.
En 1985, amé Sud, mela, rebate, colora, ibrida e modula amé son ordinator d’enregistraments de la mar e d’aucèus dins lei Calancas de Marselha.
Am’aquò liura una mena de manifèst per dire que « leis musicas fachas am’un ordinator dévon èstre presadas coma d’òbras e non coma d’experienças ».
Era baile dau Laboratòri de Mecanica e d’Acostica dau CNRS a Marselha.
En 1985, amé Sud, mela, rebate, colora, ibrida e modula amé son ordinator d’enregistraments de la mar e d’aucèus dins lei Calancas de Marselha.
Am’aquò liura una mena de manifèst per dire que « leis musicas fachas am’un ordinator dévon èstre presadas coma d’òbras e non coma d’experienças ».
Era baile dau Laboratòri de Mecanica e d’Acostica dau CNRS a Marselha.
Cris d'oiseaux, insectes et vagues feront la base sonore de Sud (photo MN)
Article écrit avec les suggestions de Reinat Toscano