Pas de mieg mesura, a-s’Ais seis organisators an anulat lei doas manifestacions esperadas per lo mes d’abriu e de mai. Anticipan sus un esperlongament de la perioda dau confinament e vòlon pas riscar de donar de faus espèrs.
Lo disabte quatre d’abriu una conferència e un concert de l’Acadèmia dau Tamborin deuiá èstre prepausada au Pargue Jourdan e a l’Ostau de Provença, a prepaus d’un tamborinaire de l’oest provençau, Tistet Buisson. Maurice Guis l’auriá assegurada.
Puei a la fin dau meme mes, lo ja celebrissime Festenau dau Tamborin, lo conegut Festamb, e son acampament de totei lei tamborinaires de Provença, deuiá durbir durant cinc jorn la manifestacion, amé son defilat, son balèti, sa conferència e sei concerts. Dau 28 d’abriu au 2 de mai seriá estat un grand moment.
Mai tot parier, l’associacion Li Venturié a chausit amé prudéncia de l’anular.