partager
Mai de mila escolans, sei gents e sei mestres an manifestat a Baiona lo divèndres 4 de febrier, am’una cadena umane per lo drech de presentar bacheleirat e brevet en lenga euskara. Lo monde de l’ensenhament immersiu patis deis incertituds de l’après Lèi Molac, quora lo Conseu Constitucionau a declarat l’immersiu non constitucionau.
Una circulari governamentala dau 16 de decembre aviá pasmens dubert la rota an una normalisacien d’aquela demanda que regarda aperaquí 250 escolans bascs. Pasmens l’associacien Seaska, que representa la comunautat educativa en immersien a agut que de responsas parcialas de la Rectritz, durant l’acamp dau Consèu Academic de la Lenga Regionala, que s’acampèt lo meme 4 de febrier.
La rectritz, Anne Bisagni-Faure, sabem pas tròp perqué, a autorisat l’examen en continú en basc, es a dire 40 % de la nòta, mai pas leis espròvas de l’examen. 250 escolans son directament pertocats en 2022.
Cerca de regent per una calandreta en Provença Maritima
