Be Stylish

Vòli parlar au responsable italian d'una societat italiana per aguer un entresenhe. L'ostessa francesa mi demanda se parli englés per posquer m'esplicar m'eu. 

Si pensa pas que li a de visitors dau SITEVI* que son pas italians mai que si despatolhon en italian. Impensable per ela. 

Leis espausants vènon quasi totei de païs de lengas romanas e l'englés es pasmens lenga de comunicacien. Lei latins siam (quasi totei) de loosers, vòli dire de perdants, pas capables de faire lo modeste esfòrç per comprendre la lenga sòrre dei vesins.

Aquò d'Aquí es pas lo luec per presentar lei noveutats 2014. Lei tecnicas son de mai en mai ponchudas e m'avisi que sieu ai figas. Ai restat au sofre e au verdet !

Es lo quatren còp que vèni au SITEVI de Montpelher (si fa un an non l'autre) e la plaça de ce que si vei es totjorn mai granda. Botilhas, taps, tirataps, veires, damijanas, botas si fan tojorn mai originaus per atirar la pratica. 

"Be stylish" anoncié en gròssei letras sus son estand una societat que fabrica de taps de veire de totei colors, que sèrvon per tapar de botilhas entemenadas.

Son seti es a Montpelher.

*Le SITEVI est le Salon international pour les filières vigne-vins-fruits-légumes-oléiculture.