Mille excuses...

Un petit retard pour la réception de notre mensuel n° 300. Désolé et aidez nous à faire mieux.

Qu'il est difficile de tenir la gageure! Un numéro par mois, de bonne qualité, dans les temps. Cette fois-ci nous n'y arrivons pas vraiment.






            partager partager

Tres temptatius terroristas dins Var despuèi janvier


DRAGUIGNAN / BRIGNOLES. Trois engins explosifs dans le Var, dont un a éclaté, sont liés à des inscriptions faites dans un provençal approximatif. Y-a-t-il une action armée nationaliste contre le monde immobilier et financier, ou l’emploi par des personnes aux motivations inconnues, de signes extérieurs de provençalité ?



L’eveniment sembla talament en defòra de tota tradicien revendicativa regionalista qu’a espantat, o meme qu’a gelat mai que d’un mes tota reaccien d’aqueu costat. Pasmens dins un comunicat lo Partit Occitan vèn de dire clarament que « aquélei que s’imagínon que l’estrategia de la tension es…la draia de seguir s’engànon lordament ». Es signat de son president provençau, lo conselhier regionau Arvei Guerrera.
 
Per lo biais de sa « marca » regionala de Region Provença, lo PÒC segur estima qu’es temps per eu de far saupre que tota mena de terrorisme es en defòra tant de son istòria coma dau camin qu’a causit per regionalisar : preferísson la draia democratica per arribar a la « Seisena Republica », que véson federalista.
 
A l’origina d’aquela presa de pausicien, i a la tièra d’assais de far petar –o solament d’avisar qu’es dins sa possibilitat – d’un grop que si dién Front Nacionau de Liberacien de Provença, quora es pas Front de Liberacien Nacionala de la Provença, o au mens es coma aquò que lo podriam escriure en grafia classica.
 
Aquélei desconeissuts si son manifestats premier lo 21 de janvier de 2013, quora un engenh explosiu foguèt descubèrt pròche d’una agència immobiliària de Gareut, au sud de Brinhòlas. Subran lo Parquet anti-terrorista de Paris es sasit de l’afaire. Es que siam au bèu mitan de la guèrra dau Malí. L’engenh siguèt depausat còntra una pòrta, onte èra marcat « FNLP ». Alora degun saup çò que vòu dire. Lo personau d’una bolenjariá, d’una agéncia immobiliària e d’un florista pròches son evacuats.
 


Revendicaciens amé grafias borroladas

Segond acte, dins la nuèch dau 22 au 23 de mars 2013, a la periferia de Sanari, aqueu còup. Mai greu, bòrd que l’engenh peta còntra la vitrina d’una autra agéncia immobiliària. Aqueu còup es escrich « FLNP » en luec de « FNLP » coma a Gareut. E a costat « Prouvenço Libra ». Li aurà degun de nafrat.
 
Tresen còup, lo sièis de mai, un diluns, a Draguinhan, davant una agéncia bancària.  E aqueu còup es lo retorn dau sigle « FNLP ». Exit « FLNP ». La Polícia Judiciària de Tolon e la Sota Direccien de l’Anti Terrorisme dau Parquet de Paris un còup de mai son sasits.
 
Levat d’una assai de borrolar lei cartas de la part dei pausaires de bombas, fau examinar un pauc son biais d’escriure sa revendicacien. Utilisèron a Sanari una bèla mescladissa grafica : lo mistralenc « Prouvenço » d’un costat, e lo classic - am’una deca « Libra » de l’autre. Nòstrei legèires sàbon que « libra » es, siegue una libertat presa amé la paraula normativa « liura », siegue un biais de dire locau qu’escapariá a nòstra coneissénça.
 
S’aqueu biais d’escriure es pas conscient de sei decas, es beleu alora tot simplament que lei pausaires sàbon pas la lenga, au mens escricha, levat de l’aver entenduda, o legida sensa vertadiera atencien. De tot biais s’es verai que « quau ten la lenga tèn la clau » siam pas encara lèsts de durbir la pòrta de la veritat sus aquel afaire .

Mardi 14 Mai 2013
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Dison que...

1851 : defendre la Republica en provençau

L’historien Renat Merle nous rappelle que la résistance au coup d’Etat du 2 décembre 1851, fut le fait de ruraux qui parlaient occitan. Les meilleurs défenseurs de la République française. Avis aux Républicains amnésiques de 2017.

1851 : defendre la Republica en provençau
A la fin de l’an 1848, un aventurier politic, Louis Napoléon Bonaparte, es estat elegit president de la Republica, amb lo prestigi de son nom e l’adesion de l’immense monde rurau, que portava seis esperanças de dignitat e de progrès.

Mais dins lei fachs, lo President bailejava la Republica dau partit de l’Òrdre, valent a dire la Republica conservatriça, aquela dei Gròs.
 


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.