Mille excuses...

Un petit retard pour la réception de notre mensuel n° 300. Désolé et aidez nous à faire mieux.

Qu'il est difficile de tenir la gageure! Un numéro par mois, de bonne qualité, dans les temps. Cette fois-ci nous n'y arrivons pas vraiment.






            partager partager

L’especiariá que fa viure lei païsans dau caire


AIX-EN-PROVENCE. Après les Amap, voici les épiceries paysannes. Celle d’Aix vient de fêter son premier anniversaire. Producteurs proches, équipe associative, fonctionnement de cercle, et alimentation saine pour tous.



L'épicerie associative est née d'une idée d'étudiants, elle est fournie par des agriculteurs du pays (photo MN)
L'épicerie associative est née d'une idée d'étudiants, elle est fournie par des agriculteurs du pays (photo MN)
Lei banastas païsanas an definitivament plantat cavilha au nòstre, qu’apròchan lei dètz mila sòcis en Provença. Lo movament qu’aviá endraiat un païsan d’Oliulas, Daniel Vuillon, en 1999-2000, es pasmens pas lo solet mejan de far viure « l’agricultura païsana ».
 
Ne’n testimonian leis especiariás païsanas que florisson un pauc de’n pertot. Associativas, ne’n son que mai duradissas, bòrd que son sostengudas pèr un movament populari.
 
A-z-Ais, dissabte, L’Epicerie du Coing (« L’especiariá dau codonh  », aquò auriá pas la mema sabor !) festejava sa premiera annada. « Siam naissuts d’una associacien ecologista estudianta » que rementa Nadege, una deis espicieras.
 
De fiu en cordura , leis estudiants se dison que, de la paraula fau passar ais acciens. E lei vaquí a nosar lo faudiu e a pesar lei tartiflas .
 
An agut de mau pèr trobar un fons de comerci, mai finalament an poscut durbir l’afaire dins un locau pròche de la ZUP d’Encanhana, onte desplegan ara tota la tiera dei carchòfas, caulets, cebas, raiçfòrts , pomas e autrei pastenargas , entre iògorts de cabras e saussissòts biòs.

Pròches productors

Nadege, membre de l'association : "l'adhésion est libre, dès 10c. pour n'exclure personne" (photo MN)
Nadege, membre de l'association : "l'adhésion est libre, dès 10c. pour n'exclure personne" (photo MN)
Lo monde que vèn aquí paga premier un escotisson, « tre 10 centimes e coma vòlon » contunha Nadege. Va un pauc coma un ceucle.
 
La tòca es, « coma va ditz nòstra charta, que lei productors son pròches ; vènon pas delà de 160 km ». Lei raiçfòrts vènon dau país sestian, la farina biò de Malijai, en Auta Provença…
 
Soleta empacha per l’especiariá, son vesinatge professionau. « Un supermercat am’una tòca completament diferenta l’acusa de faire baissar son chifre d’afaire » nos ditz una pratica. Mai que lo mercat que se desplega tres còps la setmana entre lei dos ?
 
La còla associativa va pensa pas, que l’oferta mai granda atriva puslèu de monde, qu’autrament vendriá pas crompar dins aqueu quartier mitat populàri, mitat borgés.

Mardi 24 Mars 2015
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Dison que...

1851 : defendre la Republica en provençau

L’historien Renat Merle nous rappelle que la résistance au coup d’Etat du 2 décembre 1851, fut le fait de ruraux qui parlaient occitan. Les meilleurs défenseurs de la République française. Avis aux Républicains amnésiques de 2017.

1851 : defendre la Republica en provençau
A la fin de l’an 1848, un aventurier politic, Louis Napoléon Bonaparte, es estat elegit president de la Republica, amb lo prestigi de son nom e l’adesion de l’immense monde rurau, que portava seis esperanças de dignitat e de progrès.

Mais dins lei fachs, lo President bailejava la Republica dau partit de l’Òrdre, valent a dire la Republica conservatriça, aquela dei Gròs.
 


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.